Integrantes: Jordi, Furu, Juan e Iván
Tamos nel segundu día del viaxe a Pirineos y por desgracia les previsiones meteorolóxiques tán cumpliéndose, mui poca visibilidá, lluvia y nieve. Hoi ye'l día que peor dan de toos, teníamos previstu facer el Perdiguero, pero viendo como tán les coses... Entós decidimos facer el Paderna, porque ye fácil de facer, al ser mui evidente y facese rápido.
Panorámica
Dexamos la furgo nel aparcamientu del Hospital de Benasque, con un día magníficu, no llovía y facía sol...
Un momentu qu'abrió, pero les cares no son mui animaes...
Subimos pela pista hasta Plan d'Están y giramos a la derecha pel bosque pela Pleta de Paderna
Lo buenu ye que ya no llueve y no fai fríu... pero ver, lo que se diz ver...
La verdá ye que no tábamos mui animaos
La subida ye mui guapa ente pinos...
Depués va poniéndose cada vez más pindiu...
En pocu tiempu ganamos altura, no hai meyor cosa pa ganar altura que sea pindiu jejejejeje
Como no nos llueve, vamos animándonos y pensando lo bien que lo vamos a pasar baxando, si se ve algo...
¡¡¡El día ta abriendo!!!
Igual vamos tener que dir a ver a EVA pa que nos mire la vista jejejejejeje
Parada a comer un bocáu, nel plató d'el Paderna
Vistes de la Tuqueta Blanca de Paderna
Nesti puntu tuvimos una disparidá de criterios pa ver qué era lo meyor, si siguir pel camín del mapa (criteriu de Jordi) o dir hacia la izquierda a salir derechos al colláu de la Paderna (el restu). Como somos todos más cabezones que los gochos, caún fue per onde-y paeció. El que más tardó y rodeó fue Jordi, ver track, nosotros ficímoslo tou per onde la baxada.
Nel colláu de Paderna subimos a la izquierda pel cantu hasta dar a les roques, onde quitamos esquís...
Dexamos los esquís contando qu'hasta'l picu era tou roques...
Unos 100m. per peñes...
Desapaecen les peñes y ye tou nieve paposa qu'entierra hasta....
Tamos como burros y los esquís abaxu...
Llegando al picu, que creo que tien mui buenes vistes, nosotros lo que ye ver...
Vista del Paderna, desde la subida al día siguiente a La Madaleta, un momentu qu'abrió...
El Paderna
P'abaxu...
Non se ve la mano delante...
Ponemos los esquís con una visibilidá escelente...
Facemos la técnica de que baxe un delante y los demás detrás d'él jejeje
¡¡Venga, qu'abre!!
¡¡Ta saliendo'l SOL!!
¡¡Uff, vamos garrar conjuntivitis con tanta claridá!!
Un segundu que ¿despejó?
¡¡¡GUO!!!
Por suerte en llegando a los pinos hai más visibilidá y permítennos disfrutar de les canales de subida tan pindies, anque la nieve no taba mui buena.
Pero disfrutamos...
Depués de tou pasámoslo bien...
Comentando la baxada desde la pista d'esquí de fondo...
FIN
Expedición castrona a Pirineos 2012:
vaya sitiu mas guapu
ResponderEliminarrompeisvos muchu la cabeza pa buscar esos sitios, no?