viernes, 19 de junio de 2015

Mayu 2015

Pues como paez que tamos un pocu vagos col tema del blog y mientres Rubén cocina la crónica de La Travesera, voi facer un pequeñu resume de l'actividá korrikolari del mes de Ricardo y el menda.


 Adelantu de la crónica de La Travesera...¡¡¡Tá fecha!!!

Entamamos el 2 de mayu en Felechosa col IV Trail Altu Ayer. Fuímos Ricardo, Iván y yo, que depués d'un mes sin poder correr a cuenta un incidente colos esquís diéreneme l'alta pa empezar a correr de xueves siendo la carrera'l sábadu, cola condición que me olvidase de facer ningún tiempu y que toles baxaes tenía que faceles andando...

Esto pasó en plenu Canalón del Conh.urtáu...

Condiciones difíciles na parte alta, aire fuertísimu, poca visibilidá y temperatura mui baxa endurecieren tovía más la carrera, lo que nun impidió que disfrutásemos d'un recorríu 100% montañeru y duru como en casi ninguna otra carrera. Cada ún pasó lo suyu pero llegamos los 3 a meta a la vez disfrutando como enanos.





El 23 siguimos col Km Vertical Aventón de Las Palancas, Campeonatu d'Asturies de la especialidá. 
Un kilómetru vertical ye una carrera na que se trata de subir 1000 m de desnivel nel menor recorríu posible, nesti casu yeren 1,8 km de distancia pa esi km d'ascensu: simplemente brutal.
Nunca corrí ningún, aunque en Piloña tenemos la subida al Vízcares per La Vallina dende La Pesanca, unos 4,5 km de recorríu, pero los 2 primeros sólu suben unos 100m polo que nos queden 900m en 2km y pocu. Esa subida téngola bastante pateada y esa semana fui quien a facela en 49'04'', lo que me daba esperances de poder armala na carrera como así finalmente fue. Salida mui fuerte, metime nel grupín de cabeza con Diego Pando, David Vázquez y Pau Pierres; al pocu Pau quédase un pocu y póngome detrás de Diego y David, paezme que tengo un puntín más y adelántolos como puedo, meto un tironucu y consigo un güequín de unos cuantos metros que diré administrando con relativa comodidá hasta la meta. Bona esperiencia, sensación d'encontrame mui a gustu cola distancia y col formatu de carrera y porqué nun dicilo, ¡¡bon resultáu!!

Salida

Peazu vídeo que fizo Carlos Llerandi





Otru vídeu más



Clasificación

Cola Campeona d'Asturies, la gran Ana Cristina.

Y una semana depués, pa la Subida a Pienzu, primer carrera de monte que corrí y a la que-y tengo gran cariñu. La Travesera tá mui cerca y tengo claru l'oxetivu: intentar volver a baxar de les 2h faciendo la baxada con relativa tranquilidá, evitando caídes como va dos años y nun castigando la mecánica más de lo necesariu. Salida col corazón na boca, subida a fondo hasta'l picu llegando terceru arriba a 2' de Vitorín y Juanjo y manteniendo non sin esfuerzu a raya a Iki y Rubén (tán como xatos!!!) y baxada controlando; namás llegar a la campera d'abaxu pasárenme Iki y Rubén como llocos, fice tola baxada solu y contando volver a repetir el quintu puestu de les 2 veces anteriores que corrí equí, pero al llegar al asfaltu apaeció Pedro endemoniáu, garróme onde La Teyera, fui un par de minutos como un perru caza pegáu a él y finalmente fue escapándoseme pocu a pocu, al final sestu y 1h59', nun tuvo nada mal. El castrón de Luis metióse octavu en 2h03' faciendo una gran carrera y Ricardo entró nun escelente tiempu de 2h24', pero nun se porqué nun sal na calsificación. Carlos volvió a facer un reportaxe gráficu d'impresión y pa encima ganó el concursu a la meyor fotografía cola imaxen que sigue de Juanjo, el ganador de la prueba.



Vídeu de Carlos Llerandi

Vídeu oficial


Facebook