13 km
1148 m+
3h57'
La Raya-Carba Torres-Valmartín-Porru Blancu-Carba Torres-La Raya
Mapa
Mapa
Depués del nevadón, de dir a disfrutar del día y la nieve polvu espectaculares de Peña Rueda y al día siguiente pasar de 100 a 0 al dir pa Casasuertes con mal tiempu y la nieve humedecía (ye lo que tien Asturies y la Cordillera en xeneral), el domingu con mui bon tiempu pero col boletín de peligru d'aludes aconseyando quedase en casa (el día anterior cola humedá la nieve púsose mui pesada y al tar reciente y nun tar bien asentada, col día de sol diba tar mui inestable), arrancamos pa San Isidro, yá que tou esi cordal del Torres a la Peña'l Vientu, a nun ser qu'haya cornises grandes, da muchu xuegu sin nengún peligru d'aludes, y la orientación sureste fai que la nieve, en cuantu'l sol la trabaya un pocu, té casi siempre en condiciones mui prestoses.
Sin más facemos cuatro subidines coles consiguientes baxadines bien disfrutones, sin grandes complicaciones técniques y sin garrar una h.odía del quince, disfrutando del bon tiempu, de la temperatura y del paisaxe. Una actividá bien asequible pero mui guapa.
Ah, y tuvimos d'estrenu doble: Rubén coles tables volaores y Luis faciendo'l primer día de monte colos esquís.
¡Paez que nevó!
Luis y Rubén, de postureo col Toneo detrás
La Peña'l Vientu y La Rapaína
Col Torres al fondu
¿Qué, van solos o non?
Dalguna qu'otra vuelta maría...
Nun fuímos los únicos, non, ¡menuda estroza!jijiji
Alguna chorreruca de lo que llovió ayer
Y de vuelta pa La Raya
¡Échate p'alante, Luis! jijijiji, aunque toi yo guapu pa dicir nada...
Fotocastrón de despedía; de derecha a izquierda: Velino, Rubén, Luis y yo
¡Y lo que presta recoyer los trastos al sol!
perguapes semeyes y prestosa ruta.
ResponderEliminarSaludos