miércoles, 19 de noviembre de 2014

Almanzor... morucuuuu... 31/10/2014


Aprovechando les vacaciones de Los Difuntos, decidimos dir de turismu a Toledo y como nos quedaba "de pasu" dir a La Sierra de Gredos. 
Salimos el xueves a les 17:15 de L'Infiestu camín a Hoyos del Espino, al Hotel Alto Gredos, llegamos a les 22:20 "tras una pequeña aventura" a cuenta del GPS que nos metió per una pista pa llegar a Barajas, en lugar de dir pel parador de Gredos...

El desayunu no ye hasta les 9 y vese xeláu pela ventana, total, no tenemos prisa, vamos a conocelo. La dueña debió venos con pinta domingueros y diznos que no nos desesperemos, qu'intentemos llegar a la Laguna Grande que son 2:30 y que polo menos lleguemos hasta'l mirador que ye 1:30h. y vemos la laguna y el circo, que merez la pena. El marido recomiéndame dir hasta'l mirador y luego dir a comer a Arenas de Sampedro a un chigre que se come bien, jajajaja... siempre ye interesante tener recursos...

Salimos de La Plataforma a les 9:40 a 1.780m. 

 Vamos subiendo pel Prado de Las Pozas


Ya asoma'l Circo de Gredos, el Almanzor encima d'Ana...

Y la Laguna Grande

Ye mui prestosu caminar al nivel de la Laguna

Llegamos al refugio Elola (1945 m.) en 2:20, mui buenu de caminar y entreteníu. Decidimos tirar p'arriba a dar una vueltuca,

Paramos a comer un bocáu nuna marmita de gigante con unes vistes guapísimes

Y un asientu natural a espaldes del Almazor y mirando pa Los Tres Hermanitos

Al final decidimos tirar hasta La Portilla Bermeja

La subida no ye nada cómoda, son piedres grandes que no te permiten subir a gustu, hai que reblagar...

Pero ye preciosa, y pisar granito ye diferente de la caliza. Cambiamos d'opinión y decidimos subir a la Portilla del Crampón

Llegando a La Portilla del Crampón ponse más pindiu...Pregunto a unos chavales que baxen cómo ye la subida y dícenme que "nos quedan 20 min. pero que hay que escalar" y mirando p'Ana con cara de "probina...". Bueno, si ye difícil no subimos...

Portilla del Crampón

Vamos pocu a pocu (fila la vieya'l copu) ;)

 Pasu más delicáu técnicamente, tien una cuerda... Ana cola risa floja...

Salida a la cumbre, el pasu más delicáu psicolóxicamente


 Almanzor (Morucuuuuuuu)

La subida desde la cumbre

Baxando del Almanzor, que no contábamos subir, así presta más... Pa comer a Arenas de Sampedro no llegamos...

Y como colofón cruzanos un rebañu de cabra hispánica, sin asustase de nosotros, ¿será por ser Castrones? jijijijiji




Paramos a comer en la Hoya de Antón (no ye un chigre) a les 15:45

Despedímonos del Circo de Gredos

Y topámonos con más CASTRONES, al final llegamos a La Plataforma a les 18:30 atapeciendo (polos pelos).

Reponiendo, qu'ayer fue un día de munchu desgaste...

Y yá fartuquinos, a ver Toledo (muerra gatu, muerra fartu)


FIN