De San Isidro a Tarna, con propina al día siguiente... 12 y 13/10/2013.

24,4 km

2241 m+

2188 m-

5h26'

Track

Ermita de Nuestra Señora de Les Nieves-Picu Torres-La Ventanona-Valmartín-Porru Blancu-L'Arenal-Entrepicos-Cascayón-Peña'l Vientu-La Rapaona- La Rapaína-La Rialcada-Páramo-Los Abedulosos-Les Cuerdes-La Bardera-Moneo-Mongayu-Remelende-Tarna

Fin de semana anterior al Desafío Cantabria, como llevamos los entrenos "pel llibru", toca facer una tirada de de correr correr, 7-8 horines a un ritmín altu p'aguantar bien les 13 h que cuento echar na carrera... pero de repente suena'l teléfonu: 

-"¡Gaiteru!, ¿qué ties que facer mañana?"

-"¿Por qué?"

-"Pensé una ruta guapa que podíamos facer..."

Mejido quier dir de San Isidro a Tarna per tola llinia de cumbres, sobra dicir que yá-y pueden dar morciella a los entrenos, la carrera y la madre que lo parió, una ruta elegante ye una ruta elegante y tolo demás qu'espere, tamién podemos disfrazalo de "flexibilidá na planificación" jejeje

Salimos tempranín del aparcamientu de la ermita dirección al Torres con un fríu que pela, pocu a pocu va saliendo'l sol y nunos 40' tamos mangaos nel picu.

Subida al Torres

Vista de tolo que vamos recorrer, xusto delantre de Ten y Pileñes adivínase'l Remelende, última cumbre que vamos facer.

¡Vamos p'allá, tou pel cantu!

El Torres va quedando atrás

El Tiatordos y Peña Santa al fondu

Llagu Ubales dende'l Cascayón

Baxando al Colláu Acebal cola Peña del Sellar enfrente

Peña'l Vientu (dándo-y el sol y encima y un pocu a la izquierda de la cabeza de Velino vese'l Remelende)

El Torres

Retriñón

A la izquierda'l Torres y siguiendo pa la derecha tola llinia de cumbres que venimos faciendo

El Torres dende La Rapaona

Peña'l Vientu

Y siguimos, que tovía queda...

Tiatordos

Dende La Rapaína, tolo que nos queda hasta'l Remelende, delantre y un pocu a la derecha de Ten

Vista pa Lleón, col Picu San Justo en primer planu 

Mirando p'atrás dende'l Picu Les Cuerdes col Agujas y el Toneo al fondu a la izquierda

Encima de Velino ta'l Picu l'Águila, más a la izquierda y pegáu a Ten, el Remelende al que nosotros vamos dir pela llomba de la izquierda

Picu Llagu y Mampodres al fondu

San Justo

Vista p'atrás dende'l Remelende

Ten a la derecha y a la izquierda Pileñes. Al fondu Peña Santa provocando...

Hala, vamos pa Tarna qu'hai fame

Mampodres y Llagu, acabóse'l día.

Y como nun tenemos remediu, al otru día de dir de San Isidro a Tarna dan más o menos buen tiempu y llevábamos tol día viéndola y tol branu con gana subila:

-"¿Y si mañana subimos a Peña Santa?"

-"¿A qué hora quedamos?"

Asina qu'al día siguiente siguimos cola planificación flexible d'entrenos, toca día de "descansu activu" y vamos pa Peña Santa, ¡su madre!...

Canrasu, p'arriba paez que quier abrir...

Camín del Colláu del H.ou Santu, yá asoma Peña Santa

Parientes...

El Boquete

Al pie de la Canal Estrecha con un fríu que pela: Torre de Santa María a la izquierda y Torre de La Canal Parda a la derecha

Torre de la Canal Parda y Los Traviesos (peazu esquiada que-y pegamos Juanín y yo n'abril...)

Subimos como más o menos fai tol mundu: trepando pa subir y rapelando dellos pasos pa baxar. La roca ta mui sobada (muchu, ¿eh?), asina que los pasos de II+ que pon nes guíes... qué queréis que vos diga, cuidadín y si podéis dir encordaos y con pies de gatu muchu meyor, un pasu tuve que libralu en A0+Mej (jejeje), pero eso meyor vos lo cuento tomando unos culinos de sidra...

Vistes dende la cumbre: Los Urrieles

 La Bermeja

Torres del Torco, Les Tres Maríes, Torre d'Enmediu y Torre de Santa María

Un castrón con cara fríu

El Jariu y el Cantu Cabroneru, el Tiatordos a la derecha

Despedímonos de Peña Santa colos pies en suelu firme...

...y de la Torre de Santa María

Otres 7-8 horines d'actividá mui guapes y disfrutones, 24km y 2120m+ que nun sé si valdrán d'entrenamientu pa la semana siguiente pero qu'ehí tán y ¡¡que nos quiten lo baillao!!"