Desnivel positivu 1150 m
Distancia 11Km
Track equí (ye solu de la baxada, la subida ye igual)
Panorámica
Nel tiempu dan agua y poca visibilidá, entós tiramos pa San Isidro Furu y yo, pa ver qué se podía facer a parte de subir y baxar pela estación como tochos. Yo ya tenía asumíu dir a la estación a que me sacase los güeyos Furu que ta como un xatu. Pero de repente dizme:
-¿Cómo non facemos el Nogales, que si porteamos los esquís un pocu puede facese sin problema?-.
Yo abrí los güeyos como si hubiese teníu una aparición mariana.
-¡Sí ho, como dios, además yo nunca lu fici!-.
Y tamién pensaba "Hostia, la jodía que termino de librar..." jejejeje.
Aparcamos el coche nel Fielato...
El día non taba mui guapu pero non llovía, que yera l'únicu requistu que pidíamos.
Ye una zona mui alpina, desconocía por mí que me sorprendió, polos circos y canales ....
La nieve ta mui cambiante, tan pronto taba paposa como xelada, pero non llueve...
Tenemos que subir a la colladina de la derecha
Pa llegar a la collada que da pasu pal otru valle, ta mui cambiante con zones xelaes y otres non. Pa evitar sustos ponemos los crampones que ya non quitaremos hasta'l picu.
Llegando al picu...
Agora non llueve pero empieza a metese'l borrín, pa fastidiar la baxada...
El Nogales
Nel picu, ya non se ve la mano delante...
Vistes de la baxada hasta'l colláu onde pusimos crampones...
¡¡¡Soi igual que Robin Hood!!!
Non se ve munchu pero polo menos non llueve...
A 100 m. del picu pusimos los esquís y el borrín respetónos dexándonos 10m. de visibilidá pa poder baxar a gustu
Entama nevar... (mientres non llueva...)
Na colladina que pusimos crampones subiendo...
Al final llovió, qué raru... y moyámonos como pitos pero na última media hora.
La gincana pa cruzar la riega...(fícila pa ver si caía al agua pero non...)
FIN
No hay comentarios:
Publicar un comentario