lunes, 23 de enero de 2012

Valle de Port-Bielh y Col de Barèges. 29/12/2011.

17,2 km
1080 m+
4h35'



Tamos nel últimu de los cuatro díes d'esta pequeña escapada en busca de la nieve que nun ta viniendo a visitanos esti añu a Asturies, tenemos planeáu facer dalgo pa tar de vuelta nel coche a la hora comer y arrancar pa casa pa poder llegar a la hora cenar. Esta nueche cayeron unos 15 cm de nieve polo que decidimos tirar hasta Tournabop, ellí ta'l aparcamientu de la estación de esquí colo qu'aseguramos que la carretera esté más o menos transitable a primera hora de la mañana, sabia decisión porque vemos que la carretera que garramos pa dir a Lienz 2 díes antes ta con cadenes y bastante chunga.
En principiu vamos tirar pel valle Dets Coubous p'arriba y a ver hasta onde da tiempu a llegar, calculando'l tiempu de vuelta pa tar nel coche otra vez sobre les 14:00.
Al llegar a la parea que sube al Lac Dets Coubous, aunque hai un grupu numerosu que tira p'allá, Furu nun lo ve claru. Ye una ladera avalanchosa y cola nevada d'esta nueche, aunque nun sea mui grande, puede dar un bon sustu. Cambiamos de planes sobre la marcha y garramos hacia la izquierda remontando tol valle de Port-Bielh, guapu guapu de verdá, llegamos hasta'l Col de Barèges y por fin podemos disfrutar d'un bon descensu con nieve en bones condiciones. Acertamos de plenu, pues a la vuelta encontrámonos col grupu que vimos pela mañana baxando pela parea que vos dicía antes y tan pasándoles canutes pa baxar, tien menos nieve de lo que paez y tan dando contra toles piedres. Llegamos al coche más que contentos, bon remate pa estos 4 díes que aunque nun fueron de lo meyor en cuantu a condiciones de nieve, fueron díes de bon tiempu, d'unes actividaes mui prestoses y d'unos paisaxes impresionantes.

Van p'allá les fotos:

Subiendo pela mítica carretera del Tourmalet, onde la casa la carretera cruza'l ríu y vuelve p'atrás...

..pero nosotros siguimos pel valle Dets Coutbous, tou de frente

Vista p'atrás col Pic de Barbe asomando ente'l borrín

Después d'un peazu desviámonos pa la izquierda pa garrar el valle de Port-Bielh

Paez que va abrir, ta tou preciosu cola nevaduca d'esta nueche

Valle p'arriba...

...y p'abaxu col Soum de la Piquette vixilando al fondu

Siguimos p'arriba

¡¡Esto paez Canadá!!


Llegamos después d'una baxaduca a un llanu con un lagucu onde ta'l refuxu d'Aygues Cluses y damos vista al Pic du Contadé (al fondu a la izquierda), al Pic d'Aygues Cluses (a la derecha),

y al Pic de Madaméte (nel centru)

Siguimos hacia'l Col de Barèges col regatu de Port-Bielh abaxu a la derecha

Otra vista al Pic du Contadé

Pic de Madaméte a la izquierda y a la derecha'l Pic de Tracens

Tol valle de Port-Bielh qu'acabamos de subir, a la izquierda'l Pic de Touatère

¡Esto paez que nun s'acaba!

...peroooo...

¡¡Menuda pinta que tien esto pa la baxada!!

En llegando al Col de Barèges ta tou venteáu, xeláu y asomando toles peñes, corre un airucu que corta y la sensación térmica ye de menoslademimadre, nunca, repito, nunca tuve la sensación de tantísimu friu, nel tiempu de quitar les pieles y guardales curiosines pegaes al plastiquín esi que tantu-y gusta a Furu y arrancar p'abaxu igual qu'un tiru, xelóme'l manguitu del camel (y eso que despues de beber siempre soplo pa que nun quede agua nél y encima ta forráu con neopreno) y a Furu quedáron-y tiesos y menguáron-y los cordinos de les botes colo que casi nun fue capaz a enganchar el mosquetonucu p'asegurar los esquís. Si nun lo creeis mirái pa la mio oreya...

Un pocu mas abaxu la temperatura cambia y a disfrutar d'una capina de media cuarta de nieve polvu sobre una bona base de nieve durina...

¡¡Como presta estrozalo tou!!

Pa compensar la xelera de Larra, la costra del Valle de La Glère y el camín-fosu del Valle de Marcadau per onde diben los esquís encarrilaos casi sin opción nin a poder frenar (aunque hai que reconocer que prestó, tuvo emocionante...)...

...el día de despedida compensónos con unos cuantos buenos xiros sobre nieve excelente...

...onde paez qu'hasta sabemos esquiar y tou...

...eso sí, unos más que...

...otros (ye lo qu'hai...)


Acabóse la pequeña incursión pirenáica de despedida del 2011, fartura de coche pa volver pa casa...y a ver si nieva yááááááááá!!!!


Perfil

Panorámica












2 comentarios:

  1. Muy chula la incursion. Esti dia disfrutasteis la bajada heee perroooossssss.

    ResponderEliminar
  2. A fuerza d'insistir agún día tenía que sonar la flauta...y sí, desquitámonos a base de bien!!!

    ResponderEliminar