lunes, 2 de enero de 2012

Larra. 26/12/2011.

11,9 km
702 m+
5h10'



Pa despedir l'añu organizó Furu una incursión castrona relámpagu de 4 díes a los Pirineos (va tener que poner una axencia de viaxes jejeje). Como esti añu n'Asturies casi nun golemos la nieve, el plan yera salir el llunes a les 5:00 la mañana pa llegar a mediudía a la zona de Belagua, esquiar dalgo y dir a dormir pa Luz Saint Sauver, onde quedaría establecíu'l campu base pa los otros tres díes, el xueves esquiaríamos hasta la hora comer y pa casina de vuelta. Por distintos motivos al final namás pudimos dir el Furu y yo, y aunque echamos de menos a dalgún qu'otru castrón pasámoslo como dios.
El primer día, después d'un madrugón y d'una bona fartura kilómetros de coche que debió quitanos como pocu un par d'años de vida, calzamos los esquís na estación d'esquí de fondu de La Contienda (onde la curva helicoidal del puertu Pierre San-Martin) a eso de les 12 la mañana, igual que los señores...

Al fondu a la izquierda'l Col de Pescamou

 Debaxu del Picu Arlas

Subimos un pocu peles pistes y dexámosles pa subir hacia'l Col de Pescamou, al pie del Picu Arlas. Aunque ye tarde yá vamos intentar subir al Auñamendi (conocíu tamién como Anie) o al Añelarra, o polo menos hasta onde nos de tiempu.

Nel Col de Pescamou col Auñamendi al fondu...

...y volviendo la vista p'atrás pal valle qu'acabamos de subir.

Siguiendo dirección al Auñamendi, la nieve ponse durina...
 

Al llegar al refuxu de chapa tenemos que poner les cuchilles porque ta la nieve a peazos igual qu'un peñón. Cruzámonos con tres paisanos veteranos (caminando con mucha soltura colos crampones, flacos como astielles y con cara de tener una porricada kilómetros de monte nes piernes) que vienen del picu y dícennos que ta la cosa delicada, qu'hai munchu xelu y que vieron pegar un bon hostión a unu colos esquís baxando del Añelarra. Siguimos camín poniendo al pocu los crampones, nun hai muncha pendiente pero ta tou duru y brillante que mete mieu.

Hasta equí llegamos coles cuchilles, paradina pa poner crampones y garrar el piolet...

...¡y acabóse la comedia!


De repente apaecen 3 baxando en esquís, el primeru baxa igual que Robocop, vien coles narices ensangrentaes (ye al que los paisanos vieron caer), esquís de telemark y ¡¡¡coles pieles puestes!!!, pregúntanos que si nun traemos cuchilles (y yo pienso pa mí: ¿¡y tú nun traes crampones, campeón, o quies acabar de matate!?), de los otros dos un baxa como puede y el que meyor esquía suéltanos la frase del día: "está un poco durica, pero se baja bien" ¡¡cagonlavillorando!!, ¿un poco durica?, si llega a tar xeláu ye mui gorda...
Vista p'atrás, tol karst de Larra y l'Arlas al fondu
 

Col Añelarra detrás, como veis ta la cosa comu pa baxar en telemark y coles pieles puestes...
 

Llegamos a un colláu xustu enfrente del Auñamendi, hai que baxar un pocu tovía antes d'empezar a subir al picu, calculamos una hora y media hasta'l picu más tola vuelta, viendo les condiciones y la hora que ye decidimos sabiamente  quedános comiendo'l bocata disfrutando del tiempu y de les espectaculares vistes.

Llegando al colláu desde onde vemos...


  Soumcoy

Añelarra

Countende
 

Arlas
 

Auñamendi, ¿ta durica, eh? jejeje...
 



Comemos tranquilamente y volvemos pal coche, lo primeru colos crampones puestos hasta que lo vemos un pocu más claru, ye una zona kárstica y al nun tener muncha nieve hai grietes ensín tapar tovía, asina que con muchu cuidadín. Al llegar de vuelta al Col de Pescamou vamos a buscar la ladera sur del Arlas, ¡¡¡ta con nieve primavera!!!, disfrutamos de la baxada y al llegar abaxu, con cara de tontos y viendo que tovía da tiempu, ponemos les pieles sin pensalo dos veces y volvemos a remontar tola pala pa pegar otra baxada, polo menos pudimos facer unos xiros curiosos.

 Remontando l'Arlas pa pegá-y otra baxada
 

Intentando facer el pasu patinador pela pista de fondu de La Contienda

Llegamos al coche cola sonrisa d'oreya a oreya típica después d'un bon día d'esquí, otru par d'hores de coche, a cenar, un par de cervezones y pa la cama, continuará...

Perfil

Vista panorámica





1 comentario: