martes, 6 de diciembre de 2011

Toneo y Picu La Llomba. 03/12/2011.

 Fuentes d'Iviernu-Toneo-Riopinos-Picu La Llomba-Fuentes
10,3km
930m+
 4h30'
Track

Con esta vueltina queda inaugurada "oficialmente" la temporada d'esquí de travesía 2011-2012.Esti añu paez que nun acaba de nevar en plan y p'allá qu'arrancamos Rubén y yo p'aprovechar la nevaduca del vienres pela nueche. Nevar lo que se diz nevar nun nevó gran cosa, taba tou na carretera que por ciertu taba bastante delicadina a primera hora (al nun tar les estaciones abiertes nun pasó la quitanieves, señal d'usu obligatoriu de cadenes en Cueves y a correr...), pero pa quitar el mono y probar l'asombrosa efectividá de les recién estrenaes cubiertes d'iviernu (M+S) valió.

Por unos 10€ más por cubierta nun merez la pena andar a cuentos de poner y quitar cadenes, y en secu la verdá yo nun encuentro ninguna diferencia coles normales...
¡¡¡una pasada!!!





La verdá que guapu taba, pero aunque paez qu'hai un nevadón dabes colos palos en suelu a cada pasu

Encontrámonos con Rafa y Ricardo, que al romper Rubén un enganche d'una piel dexáronos esparadrapu pa poder facer un apañu y nun tener que volver pa casa. El Tubu del Toneo daba gana de llorar, peláu peláu...

Subiendo al Toneo pelo peor como va un añu (dixe que nun volvía a subir per ehí más y otra vez nel mesmu sitiu...). Al fondu el Picu La Llomba.

El Torres.

La representación castrona nel Toneo.

Después d'una penosa baxada a Riopinos pola escasez de nieve remontamos el Picu La Llomba nuna subida tamién penosa pero pola abundancia de matu...

Llegando a cumbre


Otra vista del Torres

Peña Santa y Torrecerréu al fondu

Rubén chupando cámara (paez buenu y tou jejeje)

El valle d'Ayer con Peña Mea asomando al fondu

Curioses nubes sobre'l Roldán

Y la baxada peles pistes de Fuentes fue lo que salvó'l día, yera onde meyor taba la nieve, aunque había que facer los xiros con suavidá pa nun calar colos cantos en suelu, como se suel dicir: "yá nun nieva como antes"
Despedímonos del Toneo...

...y a comer a Felechosa pa celebralo!!!
Veis el tayu qu'hai (buenu, qu'había, el llunes pela mañana fuímos a Tarna y tuvimos que dar la vuelta...), cagontal, nun tapa nin la pación...a esperar!!!!







No hay comentarios:

Publicar un comentario