Vuelta a la Torre de Santa María. 01/11/201.

 Castrones: Juan, Furu y Jordi

 19 kms

1400 m +

3h53'

 Recorríu: Pandecarmen-Pozu l'Alemán-Vega La Piedra-Vega Canrasu-La Rondiella-Vegarredonda-Llampa Cimera-H.uenteprieta-H.orcada de Santa María-Boca'l H.ou Santu-H.ou Los Asturianos-Les Barrastroses-Colláu La Fragua-Llampa Cimera y vuelta a Pandecarmen pel mismu camín qu'a la subida.

Track

 Panorámica

 Mapa

Datos

 

 Aprovechando'l día festivu y la previsión de buen tiempu (aunque tuvo tola nueche lloviendo y algún quedó en casa por nun facer casu a Maldonado y después tuvo tirándose de los pelos al ver el día tan guapu que tuvimos...) arrancamos pa Los Lagos a dar una vueltuca mañanera pa tar pa comer en casa y aprovechar la tarde pa compromisos varios. Como había puente tuvimos que madrugar un pocu más pa poder subir el coche y puede que gracies a eso na mismísima Vega d'Enol vimos un llobu a unos 150 m que diba a tou trapu pa la zona del Bricial, la verdá ye que nun debe ser mui habitual ver un bichu d'estos a plenu día y nuna zona tan frecuentada como ésta.

Destacar el día espectacular que tuvimos amás de poder pisar la primer nieve de la temporada, aunque yera mui poca y  bastante dura (complicónos, aunque non muchu, la subida y la baxada a la H.orcada de Santa María) prestó la toma de contactu. D'esos días qu'aunque faces un entrenín más que curiosu disfrutes como mui poques veces gracies a la compañía, el paisaxe y el ritmu distendíu.

Como tou esti rollu sin fotos nun val pa nada ehí van unes poques:

Camín del Pozu de l'Alemán

Vista p'atrás

La Torre de Santa María al fondu

Llegando a Vegarredonda

Camín de la Llampa Cimera con Los Argaos...

...y el Porru Bolu encima nuestru

Al pocu de pasar el colláu del Mosquil de Cebolleda, el Tiatordos, inconfundible, asoma per enriba la cabeza de Juan.

Subiendo la H.orcada de Santa María...

...buscando les piedres y con cuidáu, la nieve, aunque hai mui poca, ta como un peñón.

Na H.orcada reponiendo fuerces...

...y contemplando'l paisaxe

Torre de la Canal Parda a la izquierda, Torrecerréu y el macizu de Los Urrieles al fondu, Peña Santa a la derecha y el H.ou Santu a los pies

Baxando de La H.or cada de Santa María

Peña Santa

¡Vaya pintes!

Los Maestros estudiando posibilidaes pa facer en esquí en cuantu nieve un pocu más (yo per onde ellos digan...): 

Furu

Juan

Llegando al H.ou Los Asturianos

Corriendo como energúmenos per Les Barrastroses

Vistes dende La Fragua: dos de Los Poyones y el Cuetu Llagu, más atrás el Cotalba...

  

...Torre del Alba, Picu Los Asturianos y Torre de la Canal Parda...

...El Requexón y el Poyón que faltaba (el segundu ta repetíu)

  

De vuelta, Vegarredonda...

...Vega La Piedra...

... y Vega Huertu

Pa un martes nun tuvo nada mal...