Integrantes: Juan e Iván
Distancia: 33,51 Km
Desnivel +: 885 m
Tiempu empleáu: 2 h 53 m
Panorámicas
Track equí
El sábadu quedamos Juan y yo pa dar una vueltina en bici, porque como taba'l día tan guapu apetecía jejejeje
Al final decidimos dir a les antenes d'Anayo per Lludeña (pasando per ACORRALADOS), Picu Viyao, antenes d'Anayo (La Coroñina), descensu freerider hasta La Llama, subida a La Cruz, descensu a Sieres, Villamayor e Infiestu.
Juan faciendo filigranes pa non moyase, justu depués de pasar ACORRALADOS...
En pasando'l Picu Viyao ya vemos El Sueve y Los Picos...
El día ta pa tou y ye una pena porque esta ruta tien unes vistes precioses...
-"¿Moyarémonos, Juan?"-
-"Ta pa tou..."-
Nes antenes con vistes pa Colunga...
La ruta ye mui guapa, sobre tou les vistes, pero col día que facía lo más fácil era que non se viese nada. ¿Entós por qué la ficimos? Porque ye un de los descensos más freeride que conozco y Juan tien gana baxala cola doble (que calentucu...)
¡¡¡P'abaxu...!!!
El tema ye mui fácil, baxar tol cantu hasta que tamos casi encima de La Llama y luego tou de frente p'abaxu...
Juan desapaez entre los felechos, ye la mancha blanca (el cascu), por esta razón solo se puede facer en temporada de felechu baxu y secu...
Asturcones, colos picos al fondu..
Esta primera parte ye la más facil, al dir pel cantu , ye 70% campera y 30% felechu ...
Vista del descensu...
La BAXADA , tou pel cantu hasta la altura de la primer torreta y luego a la derecha de frente a salir a la cuadra blanca...
Dexamos el cantu y p'abaxu como se pueda. La primera vez que lo baxe con Furu y con Juan , creía que taben tomándome'l pelo, non pensaba que taben tan mal como pa discurrir una baxada así...
Hai que dir a salir al árbol, que un pocu más abaxu hai un camín ¿? en su día jejeje
Tien una pendiente al límite d'apilancar...
Más la emoción del felechu que siempre ayuda, jejejeje
Vistu desde abaxu...
Hai que tar concentráu ...
La cosa ta prestosa, sal la risa floxa....
¡¡¡Perequí non pasa ni el xabalín!!!
Ya tamos cerca l'árbol, en 50m. El camín ¿?
¡¡¡VIVAN LES CABARRES!!!
Tener un collaciu vetrinariu val munchu pa que nos asesore jejejeje
¡¡Qué bravu yes!!
Vista del descensu de les antenes dende la pista d'Espineres...
Dexamos la pista d'Espineres y garramos el ramal a la izquierda pa dir a La Cruz. Lo meyor pa quitar el fríu ye dir rápido, que con Juan no ye difícil...
Pista d'Espineres abaxu ...
Vista de tol descensu...¡¡¡como prestó!!!
La Cruz al fondu...
En La Cruz ya ye tou p'abaxu...
Un manguerazu en Lleu y pa casa...
Que ya hai FAME...
FIN
No hay comentarios:
Publicar un comentario