miércoles, 25 de mayo de 2011

El Sueve "Gorilas en la niebla"

 Con esti mes de mayu tan buenu que tamos pasando, (nun hai un día buenu) pensamos en facer una rutina per El Sueve, yá que daben buen tiempu de 9 a 12 y depués un pocu d'orbayu. Al final quedamos a les 9 la mañana nel Puente Vieyu: Jordi, Juan, Furu e Iván. El día taba un pocu gafu y p'arriba veíase cerráu de borrín, ante la pregunta de ún de nosotros si teníamos que dir pa otru llau, quedamos en que en ganando altura daba'l sol (qué fatos somos). L'aventura fue de 5 hores, 2:30 fozando como xabalinos jejejeje...colos correspondientes daños colaterales, a parte de los puñaos de cabarres que quitamos durante la ruta, yo quité en casa 8 cabarres. Nada que ver cola primera aventura xabalina que fici fai unos 15 años na que baxamos del Prau Mestres a La Matosa en bici, bueno más bien con ella a llombu con Furu y el Vieyu na que quité 36 cabarres, qué tiempos... jejejeje

Teníamos pensáu facer munchu, pero al final lo que más ficimos fue'l fatu jejeje

El track non vos lu pongo equí, porque la ruta non ye pa recomendala a nadie...

Panorámica de la ruta
 Panorámica en detalle de les vueltes que dimos. N'Espineres en vez de dir de frente, fuimos en dirección a salir a Sardea porque era ¿¿¿meyor ???. Ya veréis lo meyor qu'era jejeje
Camín de Sieres, mui gafu non ta...
Subiendo a Espineres per Sieres...
En pasando'l portilleru apaez el borrín típicu y temíu d'El Sueve...
No ho, p'arriba da'l sol...
Yá garramos la pista de subida de La Llama a Espineres, vamos tener que parar a echar crema pal sol jejejeje
Cuantu más subimos más abre ¿?¿?
Sobre les 10:30 tamos n'Espineres, con un día preciosu, sobre tou les vistes...
Nesti puntu tenemos el primer dilema del día ¿dar la vuelta? La verdá ye que non se nos ocurrió a ningún. El tema era baxar derechos, como cuando vas salir a la pista que da a Fíos, na que tenemos que llombear la bici 30 min. o dir como pa baxar a Sardea, na que rodeamos pero en teoría ye más cicletable en llegando a la mayada de Tardamoñes, aunque en pasando la mayada  non lo conocemos ningún, porque siempre baxamos pa Sardea. Por supuestu ficimos la ruta que non conocíamos, pa conocela, como taba'l día tan guapu... jejejeje
Pasos trialeros nel camín pa dir a Tardamoñes
Entamamos a fozar algo, pero ye conocíu...
En llegando a la mayada Tardamoñes termina lo conocíu y entama l'aventura, ¿¿¿per ónde vamos???, non sé yo
non lo conozco, yo tampocu, ni yo, será pa la izquieda... ¡¡¡Juan, saca'l GPS!!
¡¡Mi madre, non se ve la mano delante!!
Ye tou de frente...
Hay que dir per onde meyor ta... o meyor per onde podemos a palpu...
¿Cómo tamos de la cabeza...?
Colo guapu que ye'l parchís, ¿por qué nos daría pola bici...?
Ta chupáu, yá tamos na campera, ¿qué campera?, mientres tantu Jordi ta ¡¡¡desparasitándose!!!
Menuda CABARRADA...

Depués d'un tramín mui guapu per campera, non queda más remediu qu'empezar a fozar monte a través, porque tamos en casa dios... Empezamos a ser conscientes del telar en que tamos metíos, cares de póker y risa floja...
¿Habrá cosa más guapa qu'una buena llombeada ente felechos y cotolles, cola bici enganchándose a tou...?
Un tratamientu esfoliante a base de cotolles y escayos
Y munches cabarres
Una horina faciendo esto non tien preciu...
La cosa pinta mal, non hai camín ni campera, ye tou cotolles y escayos y pa la pista falta la de su madre...
A siguir llombeando...
Al final damos con una campera, el problema que tenemos ye que'l mapa que trae Juan nel Gps ye'l geográficu nacional y non pon la pista de baxada a Fíos. La qu'apaez ye la de Cofiñu, pero non lo sabíamos. Tenemos la pista de Fíos a 50 m. de frente,  pero como non la indica'l Gps tiramos monte arriba (1 hora de porteo a lo fatu)

Al final damos a una cabaña que Furu conoz, orientándose y dándose cuenta que nel Gps non apaez la pista que buscamos, que la que trae ye la de Cofiñu, entós llega a la conclusión que tenemos que tirar p'abaxu y a la izquierda pa dar cola pista de Fíos.
¡¡¡Viva les cabarres!!!
Matu p'abaxu...
Al final damos con una campera y tamos mui contentos porque tien que tener salida ¿?
¿o non?
Si ho, que tien rodaes...
Hostia, que les rodaes acábense... ¿pa ónde ye..?
Pa la derecha...
Juan: "pa mi que yá pasamos per equí fai 1 hora, porque ta marcáu nel track del Gps..."
Sí, sí yá pasamos perequí...
Vuelta p'atrás, vamos siguir les rodaes nel otru sentíu, qu'a dalgún llau tien que dar...
Al final son les 13:00 y garramos la pista a Fíos, menuda aventura a lo fatu...

Ye un lujo baxar pela pista, teniendo en cuenta que yá contábamos tener que tiranos cárcova abaxu jejeje

Nel portelleru llamada a casa que pa les 14:00 tamos pa comer, dentro del horariu previstu, pero non lo vimos mui claru hasta equí jejejeje, eso sí, non ficimos ni un terciu de lo que contábamos facer...
La pista termina en Pandiellu, depués a Fíos y Castiellu
En pasando Castiellu, salimos a Sotu Dueñes y luego tou pela carretera hasta L'Infiestu
Y como dixo'l paisano del tiempu "al final escampó".

EEEESTO ES TODO AMIGOS... Volveremos.

5 comentarios:

  1. Eso si ye facer honor al nome de la páxina, ye facer castronaes. Vaya vueltina perguapa que i-disteis al llagu y la parea del agua...........¡sois los meyores!

    ResponderEliminar
  2. joer, y eso que conocéis la zona..jeje

    ResponderEliminar
  3. El Sueve con niebla ye mui malu, pocu más y aparecemos en Colunga jajaja

    ResponderEliminar
  4. Laura Lavandera Pérez27 de mayo de 2011, 13:53

    Yá lo entiendo tou, resulta que dar vueltes per Parque Principado ye de fatos, pero pel Sueve paez ser que non ;-)

    ResponderEliminar
  5. Home, ho, nun compares, en P.P. nun hay cabarres, ¿tú sabes la compañía que lleguen a facer? jejeje

    ResponderEliminar