La cafetería taba a tope (sobre 80 chiflaos pa la carrera, con una buena representación d'esquiadores madrileños y cántabros, yá qu'esta carrera forma parte del "Circuitu Norte-Centru 2011 d'esquí de montaña" xunto coles carreres de Alto Campoo y Gredos), nun se veía nin pa cantar y la estación taba cerrada al públicu debíu al temporal.
El circuitu previstu nun yera viable neses condiciones y entós fízose otru sobre la marcha: subir pel Vallón al Cuitu Negru y baxar pel Tubu 4 veces pero a media carrera dexóse en 3.
Después de dar la primera vuelta y baxar tol Tubu a palpu (les banderes veíense cuando tabes a puntu d'arrancales coles tables) y faciendo una cuña guarra d'arriba abaxu, veo a Iván colos esquís a llombu que va a cambiase, dizme que tando asina pasa d'arriesgase a volver pa casa sin dientes. Yo dudo un peazu pero tiro hasta'l control cola idea de dar otra vuelta y dexalo, pa facer polo menos un entrenucu d'hora y media, pero cuando toi faciendo'l cambiu pa volver a subir, dame un ataque de lucidez y tamién me retiro, la ventisca ye cada vez más fuerte y la visibilidá cada vez más reducía.
Los otros dos castrones, Juan y Furu y los castrones adoptivos de Llaviana, Tomás y Mejido, siguen hasta'l final y facen una buena carrera, mención especial pa la piquilla que se traen entre Mejido y Furu, con un 2 a 0 a favor del castrón piloñu, estos de La Cuenca son muy bravos, pero los d'Infiestu más, jejeje...
Después de cambiase, fartura a base de pote y castrón... digoooo corderu, casi casi un actu de canibalismu...
Ehí van les poques semeyes que tuvi humor de sacar, como veis si nun ye pola crema qu'echamos rustimos igual qu'un corderu a la estaca...
Juan, l'home de xelu...
Furu posando y Mejido detrás rezando...
Mejido (¿yá atopasti lo que buscabes?)
Bah, si nun taba tan friu...
No hay comentarios:
Publicar un comentario