Asina como d´elles vegaes l´arbolau nun mos dexa ver la viesca, munches otres son los montes los que se traviesen nun dexándonos hechar una güeyá mas allá de les sos laderes.
Solución salomónica: lo meyor, engaramitase no mas altu del mas altu d´ellos y dar una rodiá de 360 graos sobre´l nuesu exe, ye una terapia per buena. Mientras vas de camín pa lo cimeru faes un exerciciu per bonu pa vete a ti mesmu per dientro y una vez tas no mas altu non ahi estorbu algún que te impida vel mundiu. Ya se sabe que nun ahi meyor manera de ver les coses con prespectiva que mirandoles dende una mano sitios. Debe ser por eso por lo que se está tan agustu nesos montes de dios, desde arriba siempre se vió tou munchu meyor.
Si te da por llegate hasta los Alpes nun dexes de subite al mas blancu d´entre tolos picos que seas capaz de ver. Si el tiempu te dexa y les ñubes tan del to llau, vas ser de los pocos paisanos que vean salir esi día l´astru rey desde el puntu mas altu que se puede atopar dende´l cabu Finisterre, allá onde un día daquién s´embarcó con un inciertu destín, hasta los confines d´Asia, a les puertes d´esi otru mundiu distintu y desconociu. Una experiencia que bien merez de apañar una bona sudá mañanera.
La historia que vos cuento nel siguiente videu fala d´ello.
Esti blog surde de la necesidá de difundir les nueses castronaes y facer un trabayu collaborativu na difusión d'actividaes.
No hay comentarios:
Publicar un comentario