Los Castrones: Ruta pel Cornión. 07/06/2008.

Llagu Ercina-Mesones-Caín-Canal de Trea-Vega d'Ariu-Llagu Ercina
Km: una buena fartura d'ellos, a saber...unos 35-40 a güeyu
Desnivel acumuláu: unos 6000m, mitá +, mitá -
Tiempu empleáu: 11h30'
Integrantes: Duardo, Iván y Jordi
Semeyes: Iván y Duardo

Aunque yá va tiempu que ficimos esta ruta la verdá ye que-y guardo muchu cariñu, diba a correr la Travesera por primera vez 20 díes más tarde y nunca había corríu más de 2h30' seguíes, pa la Travesera esi añu nun fui capaz a engañar a ningún castrón (pal siguiente, después de facer yo de coneyín d'Indies yá fueron unos cuantos, pero eso ye otra historia que contaré n'otru momentu), pero pa dir a facer esti entrenu sí, aunque algún tuvo que meter los pies en llegando a casa entre sal y vinagre...

Día preciosu, equí tamos desembarcando de "La bala blanca" y preparándonos pa la aventura nel aparcamientu del Llagu Ercina

Fuímos pel Bricial hasta'l Pozu del Alemán (onde al adelantar a un par de montañeros que diben caminando y nosotros corriendo en plan profesional del tou, Duardo zarapicó y pegó una buena llombada colos consiguientes cagamentos tantu d'él como nuestros del sustu que nos pegó, los montañeros quedaron a cuadros...), Vegarredonda, y al Colláu de La Fragua mediu entre'l borrín, pero a esta altura escampó del tou y díbamos caminando cola Torre de Santa María a tiru piedra

Peles Barrastroses coles nubes detrás

A partir d'equí la nieve taba durina y había que dir con cuidáu

Culoskí...

...y culoskí col mapa d'Adrados na mano

H.ou de los asturianos y Peña Santa

Forcada y Torre de Santa María

Llegando al Colláu del H.ou Santu

El Boquete desde'l colláu del H.ou Santu

El Torrecerréu queriendo asomar entre la niebla

Una güeyada p'atrás desde El Boquete, el H.ou Santu y la Torre de Santa María

Y enfrente el macizu de los Urrieles

La canal de Dobresengos (2000m+ de nada...) que na Travesera vamos tener que subir después de llegar hasta equí y baxar tola canal de Mesones

Baxando pela canal de Mesones con Caín al fondu

Vista p'atrás desde Caín

Después de comer daqué en Caín, enfilamos pela ruta'l Cares p'abaxu hasta el comienzu de la canal de Trea

Toca apretar los dientes, que yá llevamos unes 5-6h y tovía queda bastante, y la canaluca nun ye plana precisamente, vaya parea!!!!

Tou p'arriba, ni un puñeteru descansín

Vuelvo a mirar de refilón pa Dobresengos, el "coco" de la Travesera...

Vuelta p'arriba

De vez en cuando miramos p'abaxu y dámonos cuenta porqué llevamos esa h.odía tan grandísima

Cagonsumadre!!!!, nun puede quedar muchu, ¿o ye que esto ye eternu?

Por fin paez que la puñetera canal quier acabase

Jultayu a la vista!!!!, venga chavales que ya queda menos

Equí cruzamonos con una pareya que diba p'abaxu, la paisana dicíanos que ya quedaba pocu pa llegar a Ariu (vió lo pálidos que díbamos y que nun parabamos de dicir parides y debimos dai pena) pero'l castrón del paisano dicíanos que tovía nos quedaba la de dios, hora y media polo menos, fuímos tol camín hasta'l coche acordándonos de tola so parentela, ehí los tenéis